კორონავირუსის ვარიანტი, რომელიც პირველად ინდოეთში გამოვლინდა, ახლა კი მას "დელტა" ეწოდება, ამ კვირაში 80-ზე მეტ ქვეყანაშ გავრცელდა და დიდ ბტიტანეთში დომინანტური გახდა. ამის შესახებ ბრიტანეთის ჯანდაცვის უწყებებში განაცხადეს.
ამასთან, გასულ კვირას დიდ ბრიტანეთში, ვაქცინაციის საკმაოდ კარგი მაჩვენებლის მიუხედავად, კორონავირუსის 30 ათასზე მეტი შემთხვევა გამოვლინდა, აქედან 90% "დელტა" ვარიანტი იყო.
ინგლისის საზოგადოებრივი ჯანდაცვის წარმომადგენლების თქმით, ახალი შტამი 64% -ით უფრო გადამდებია, ვიდრე კორონავირუსის სხვა შტამები.
ასევე, სპეციალისტების თქმით, "დელტა" შტამს თან ახლავს არაჩვეულებრივი სიმპტომები: მუცლის ტკივილი, პირღებინება, გულისრევა და სმენის დაკარგვა. ამას გარდა, შოტლანდიელი ვირუსოლოგების აზრით, "დელტა" ჰოსპიტალიზაციის უფრო მეტ რისკს შეიცავს.
