თავში

კორონავირუსის წარმოშობის ახალი მიზეზი აღმოჩენილია

​კორონავირუსის წარმოშობის ახალი მიზეზი აღმოჩენილია

ჯანდაცვის მსოფლიო ორგანიზაციის ექსპერტებმა კორონავირუსის გაჩენის ახალი მიზეზები დაასახელეს. ინფორმაციას Bloomberg ავრცელებს.

სააგენტოს ინფორმაციით, ჩინეთში, ვუჰანში მომუშავე ექსპერტების მოხსენება, სავარაუდოდ, მომავალ კვირაში გამოქვეყნდება, თუმცა, ეს საბოლოო დოკუმენტი არ იქნება. ექსპერტების განცხადებით, კორონავირუსის წარმოშობისა და გავრცელების ყველაზე სავარაუდო წყარო ველური ცხოველები შეიძლება ყოფილიყო, რომლითაც ვუჰანის ზღვის პროდუქტების ბაზრობაზე ვაჭრობენ.

ჯანმო-ს მასალების თანახმად, ვირუსის ვუჰანის ზღვის პროდუქტების ბაზარზე პირდაპირ გაჩენა ნაკლებსავარაუდოა. ვირუსს თავდაპირველად ღამურები ატარებდნენ, თუმცა ადამიანზე პატარა ძუძუმწოვრების გავლით გადავიდა.

ჯანმო-ს ექსპერტებმა ვირუსის შესაძლო წარმოშობის შესახებ ოთხი ძირითადი ჰიპოთეზა შეიმუშავეს. სპეციალისტების თქმით, ვირუსის ღამურებისგან გადასვლისას აუცილებლად იარსებებდა შუალედური გადამტანი რგოლი. ავსტრალიელი მიკრობიოლოგის დომინიკ დუაიერის თქმით, ბაზარზე, ან მის მახლობლად სავარაუდოდ ცხოველი გაყიდეს, რომელიც კორონავირუსის მატარებელი იყო. სპეციალისტები მიიჩნევენ, სწორედ ბაზარი შეიძლება გამხდარიყო ის საკვანძო წერტილი, საიდანაც ვირუსი ადამიანზე გადავიდა.

მკვლევარები ასევე ეჭვობენ COVID-19- ის ხელოვნურ წარმოშობასთან დაკავშირებით და არ იზიარებენ თეორიას ვირუსის ლაბორატორიიდან გაჟონვა შესახებ. ჩინეთის ვერსიით, ვირუსი დაბინძურებული საკვებიდან გავრცელდა.

ვუჰანში მომუშავე ბრიტანელი ზოოლოგის პიტერ დასზაკის განცხადებით, "ამ ეტაპზე საკვანძო დასკვნა სამუშაოსი, რომელიც ჯერ არ დასრულებულა, ის არის, რომ ახალი კორონავირუსი ზუსტად ის გზით გაჩნდა, როგორც მძიმე მწვავე რესპირატორული დაავადების სინდრომი , ანუ იგივე ატიპური პნევმონია".

ჯანმო-ს ექსპერტები ვუჰანში 14 იანვრიდან იმყოფებიან. საკარანტინე 2 კვირიანი პერიოდის გავლის შემდეგ მათ კვლევა იანვრის ბოლოდან დაიწყეს. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system