კორონავირუსზე აცრა გერმანელების დაახლოებით 50%-ს სურს. ამის შესახებ გამოცემა Deutsche Welle წერს.
კომპანია "ბარმერის" დაკვეთით მომზადებულ გამოკითხვაში 2 000-მდე ადამიანი მონაწილეობდა. გამოკითხული გერმანელების 53% აცხადებს, რომ COVID-19-ზე ვაქცინაციას გეგმავს, 15% ფიქრობს, რომ შესაძლოა სამომავლოდ ვაქცინაციას დათანხმდეს, 9% თვლის, რომ სავარუდოდ ვაქცინაზე უარს იტყვის, 13% დარწმუნებულია, რომ ვაქცინას არ მიიღებს, ხოლო 10% პასუხის გაცემისგან თავს იკავებს.
გამოკითხვამ აჩვენა, რომ გერმანიაში კორონავირუსზე ბავშვების აცრას გამოკითხული მშობლების მხოლოდ 42% გეგმავს.
