კორონავირუსის მესამე ტალღის დროს COVID-19-ით ინფიცირებულ ორსულთა რაოდენობა და ორსულ ქალებში მწვავე დაავადების შემთხვევები იზრდება. ამის შესახებ ბულგარელმა პროფესორმა, ივან კოსტოვმა განაცხადა.
მისი თქმით, ორსულმა ქალებმა სიმპტომების გამოვლენის შემთხვევაში მაქსიმალურად მალე უნდა მიმართონ სამედიცინო დაწესებულებას, რადგან ორსულ ქალებს აქვთ შემცირებული იმუნიტეტი. მან ასევე აღნიშნა, რომ მიღებულია კორონავირუსით ინფიცირებული ორსული ქალების მკურნალობის ერთიანი ოქმი. მან დაამატა, რომ შეერთებულ შტატებში არსებობს მოსაზრება, რომ ორსული ქალები უნდა იყვნენ ვაქცინირებულნი. რაც შეეხება ბულგარეთს, თუ ორსულს ვაქცინაცია სურს, ამის გაკეთება მას გინეკოლოგთან კონსულტაციის გავლის შემდეგ შეუძლია.
პროფესორი მიიჩნევს, რომ თუ ქალი ბავშვის გაჩენას გეგმავს, აუცილებელია ეს ვაქცინაციიდან 2-3 თვეში მოხდეს.
მან ასევე ხაზი გაუსვა, რომ COVID-19-ით დაავადებული მშობიარე ქალებისთვის საკეისრო კვეთა აღარ არის რეკომენდებული, როგორც ეს თავიდანვე ითვლებოდა. მშობიარობის ეს ტიპი რეკომენდებულია მხოლოდ აუცილებლობის შემთხვევაში.
