კუბის აღმოსავლეთით ვერტმფრენის ჩამოვარდნის შედეგად ეკიპაჟის ხუთი წევრი დაიღუპა. ამის შესახებ ინფორმაცია ინტერნეტ პორტალ Cubadebate-ზე გამოქვეყნდა.
კუბის თავდაცვის სამინისტროს ინფორმაციით, ვერტმფრენი ოლგინის პროვინციიდან გუანტანამოს პროვინციისკენ მიემართებოდა.
გამოცემის ცნობით, ვერტმფრენი მთის ფერდობს შეეჯახა.
კუბის თავდაცვის სამინისტრომ მომხდარზე გამოძიება დაიწყო.