საბერძნეთის სანაპირო დაცვამ კუნძულ ლესბოსთან, ეგეოსის ზღვაში ერთი დაღუპული იპოვა და 24 მიგრანტი გადაარჩინა. დევნილები თურქეთიდან საბერძნეთში გადასვლას ცდილობდნენ. სანაპირო დაცვის სამსახური ამ დრომდე აგრძელებს ზღვაში დაკარგული კიდევ 3 მიგრანტის ძებნას.
ახლო აღმოსავლეთიდან და აზიიდან ომებს, სიღარიბესა და კონფლიქტებს გამოქცეული ადამიანები თურქეთიდან საბერძნეთის უახლოეს კუნძულამდე, ევროკავშირის ქვეყნებში მოსახვედრად, სახიფათო მარშრუტს გადიან .
თურქეთსა და ევროკავშირს შორის 2016 წელს გაფორმებული შეთანხმებით, მხოლოდ იმ დევნილების დეპორტაცია მოხდება, ვინც საბერძნეთში თავშესაფრის მიღებას ვერ შეძლებს. ამ შეთანხმებას საბერძნეთში დევნილთა ნაკადების ზრდა მოჰყვა.