ატლანტის ოკეანეში მდებარე კანარის არქიპელაგის კუნძულების მახლობლად, ტენერიფეს მიმდებარე ტერიტორიაზე მეტეორიტი ჩამოვარდა. ამის შესახებ ინფორმაციას ადგილობრივი გამოცემა Diario de Avisos ავრცელებს.
გამოცემის ცნობით, კოსმოსური სხეული 14 ივლისს ჩამოვარდა, თუმცა ამის შესახებ ცნობილი მხოლოდ დღეს გახდა. მეტეორიტის ჩამოვარდა ტენერიფეს კუნძულის მეცნიერებისა და კოსმოსის მუზეუმის კამერებმა დააფიქსირეს.
ამ დროისათვის, ადგილობრივი ხელისუფლება მეტეორიტის ჩამოვარდნის ადგილს ეძებს. წინასწარი ვარაუდით, ციური სხეულის დაცემის ადგილად იკოდ-დე-ლოს-ვინოსისა და ბუენავისტა დელ ნორტეს მიდამოებს მოიაზრებენ.
El meteorito que cayó entre Icod y Buenavista es el primero captado en Canarias https://t.co/eCZDc9KWEH #Tenerife #Ciencia pic.twitter.com/C3ixBiYQzQ
— Diario de Avisos (@diariodeavisos) July 25, 2020