გაერო-ს გენერალური მდივნის ანტონიუ გუტიერეშის განცხადებით, კვიპროსის საკითხზე ოფიციალური მოლაპარაკებები ისევ განახლდება. ამ ეტაპზე "5+1"- ის ფორმატში ჟენევაში მიმდინარე მოლაპარაკებებზე მხარეებმა რაიმე შეთანხმებას ვერ მიაღწიეს.
27 აპრილს შვეიცარიის ქალაქ ჟენევაში ორდღიანი არაფორმალური შეხვედრა გაიმართა, რომელშიც დიდი ბრიტანეთის, თურქეთის, საბერძნეთის, ჩრდილოეთ კვიპროსის თურქეთის რესპუბლიკის და კვიპროსის ბერძნული ნაწილის წარმომადგენლები მონაწილეობდნენ. შეხვედრის მთავარი თემა კვიპროსის ორი რესპუბლიკის მომავალი და სტატუსი იყო.
