ყოფილი სუპერმოდელი ლინდა ევანჯელისტა 50 მილიონ აშშ დოლარს ითხოვს პლასტიკური ქირურგიის სახლისგან, სადაც წარუმატებელი პროცედურა ჩაიტარა.
მოდელმა ამის შესახებ განცხადება საჯაროდ გაავრცელა. მისი განცხადებით, პლასტიკურმა ოპერაციამ მას მნიშვნელოვანი დაზიანებები მიაყენა, რის გამოც კარიერასა და ცხოვრებაში მნიშვნელოვანი პაუზის გაკეთება მოუხდა. ოპერაცია მოდელმა ხუთი წლის წინ გაიკეთა. მისი განცხადებით, სხეულზე მიყენებულმა ცვლილებებმა მისი პროდუქტიულობა დაწია, რის გამოც დეპრესიამ მოიცვა. ევანჯელისტა ამბობს, რომ თვეების განმავლობაში არ გამოდიოდა სახლიდან და სარკეში ჩახედვაც აღარ უნდოდა.
პლასტიკური ქირურგიის კომპანიას მოდელისთვის პასუხი არ დაუბრუნებია.
