ამ თვეში მადაგასკარიდან ჯამში 122 კუს გატანა სცადა. ინფორმაციას ამის შესახებ ადგილობრივი მედიასაშუალება Madagascar-Tribune.Com ავრცელებს.
გავრცელებული ცნობით, ერთ-ერთ გამოქვაბულში სამი ათზე მეტი კუ იპოვეს. ისინი იქ არასრულწლოვნებმა დამალეს, რომლებმაც კუები გასაყიდად დაიჭირეს.
მოზარდები, რომლებიც პოტენციულ მყიდველებს ეძებდნენ, ადგილობრივი უსაფრთხოების კომიტეტის "დინაბეს" აქტივისტებმა და მადაგასკარის ეროვნული პარკის (MNP) წარმომადგენლებმა დააკავეს. დაკითხვის დროს მათ გეგმები აღიარეს.
მანამდე, 11 ნოემბერს, კონტრაბანდისტების დაკავების მცდელობის დროს სამართალდამცავებმა 77 კუ იპოვეს. პოლიციის მიერ დევნილი კონტრაბანდისტები გაიქცნენ და კუები დატოვეს. კუების ექსპორტის მესამე წარუმატებელი მცდელობა 26 ნოემბერს მოხდა, როდესაც მანქანაში Astrochylis Radiata-ის სახეობის 19 კუ იპოვეს. მძღოლი და მისი თანამოაზრეები დააკავეს.
დაყადაღებული კუები დროებით ინახება გარემოს დაცვის რეგიონალურ სააგენტოში. გამოძიება გრძელდება, იუწყება გარემოს დაცვისა და მდგრადი განვითარების სამინისტრო.
