მომღერალი მადონა აცხადებს, რომ "ოსკარის" მფლობელ მწერალთან და სცენარისტთან, დიაბლო კოდისთან დაიწყო თანამშრომლობა. პრესტიჟული პრემია მან დრამისთვის "ჯუნო" მიიღო. ერთად ისინი ახალი ფილმის სცენარს წერენ.
ახალი ფილმის სიუჟეტის დეტალებს მომღერალი ჯერ არ ასაჯაროებს. მისი თაყვანისმცემლები ვარაუდობენ, რომ ის მუსიკასთან იქნება დაკავშირებული, და საუბარი, სულაც, შეიძლება ბიოგრაფიულ სურათზეც კი მიდიოდეს.
შეგახსენებთ, კარიერის განმავლობაში მადონამ 17 ფილმში მიიღო მონაწილეობა.
