მადრიდში ორკვირიანი სამიტი იხსნება, რომელიც კლიმატურ ცვლილებებს ეძღვნება. ღონისძიებაში 200-მდე ქვეყანა მონაწილეობს.
"დროა ვიმოქმედოთ!" - ასე ჟღერს კონფერენციის მთავარი ლოზუნგი. მისი მიზანი პარიზის შეთანხმებების გარშემო არსებული ღია საკითხების მოგვარებაა.
სამიტი გაერო-ს გენერალურმა მდივანმა, ანტონიუ გუტიერეშმა გახსნა. მან ყველა ქვეყანას დედამიწაზე კლიმატურ ცვლილებებთან ბრძოლისკენ მოუწოდა.
"თუკი ჩვენ ცხოვრების წესს მალე არ შევცვლით, საფრთხის წინაშე დავაყენებთ სიცოცხლეს, როგორც ასეთს", - აღნიშნა მან.