აშშ-ის მოქმედი სახელმწიფო მდივანი მაიკ პომპეო ჰააგის სისხლის სამართლის საერთაშორისო სასამართლოს მთავარ პროკურორს, ფატუ ბენსუდას კორუმპირებულ ქმედებებში მონაწილეობაში სდებს ბრალს. ამის შესახებ განცხადება მაიკ პომპეომ Twitter-ის ოფიციალურ გვერდზე გამოაქვეყნა.
„სისხლის სამართლის საერთაშორისო სასამართლო არის კორუმპირებული, პოლიტიზებული და არაკომპეტენტური. მთავარმა პროკურორმა ფატუ ბენსუდამ ბოროტად გამოიყენა მისი უფლებამოსილება, გარეულია კორუფციული ქმედებებში პირადი სარგებლის მიღების მიზნით და გაფლანგა მილიონები ამერიკელი სამხედროების სისხლის სამართლებრივი მავნებლური დევნით“, – წერს პომპეო.
The ICC is corrupt, politicized & incompetent. Chief prosecutor Fatou Bensouda abused her authority, engaged in #corrupt acts for her personal benefit, and wasted millions with malicious prosecution of American personnel. #Sanctioned pic.twitter.com/gK0vZWOdMP
— Secretary Pompeo (@SecPompeo) January 9, 2021
2020 წლის სექტემბერში აშშ-მა ფატუ ბენსუდას სანქციები დაუწესა, რისი მიზეზიც პროკურორის მიერ ავღანეთში ამერიკელი სამხედროების მიერ ჩადენილ შესაძლო დანაშაულებზე გამოძიების დაწყება გახდა. ხოლო მანამდე, 2019 წელს შეერთებულმა შტატებმა ფატუ ბენსუდას ავღანეთში ვიზის მოქმედება შეუჩერა.