ლეგენდარული ამერიკელი კალათბურთელი, ნაციონალური საკალათბურთო ასოციაციის ყოფილი მოთამაშე და ექვსგზის ჩემპიონი, მაიკლ ჯორდანი სოციალური სამართლიანობისათვის მებრძოლი ორგანიზაციების დასახმარებლად 100 მილიონ აშშ დოლარს გამოყოფს.
მაიკლ ჯორდანი და მისი კომპანია Jordan Brand აღნიშნულ თანხებს მომავალი 10 წლის განმავლობაში რასობრივი თანასწორობის, სოციალური სამართლიანობისა და განათლების ხელმისაწვდომობის საკითხებზე მომუშავე ორგანიზაციებისათვის გამოყოფს.
