საფრანგეთის პრეზიდენტმა, ემანუელ მაკრონმა გამოცემა Le Journal du Dimanche-სთვის მიცემულ ინტერვიუში განაცხადა, რომ ბელარუსის პრეზიდენტმა, ალექსანდრ ლუკაშენკომ თანამდებობა უნდა დატოვოს.
"ის, რაც ბელარუსში ხდება - ძალაუფლების კრიზისია, ავტორიტარული მთავრობის, რომელიც დემოკრატიას მოწყვეტილია და ცდილობს ძალაუფლება ძალის გამოყენებით შეინარჩუნოს. აშკარაა, რომ ლუკაშენკომ თანამდებობა უნდა დატოვოს", - განაცხადა მაკრონმა.
მაკრონმა ასევე ხაზი გაუსვა, რომ მასზე დიდი შთაბეჭდილება მოახდინა ბელარუსში მიმდინარე საპროტესტო აქციებმა.
ბელარუსში, 9 აგვისტოდან, საპრეზიდენტო არჩევნების შედეგების გამოქვეყნების შემდეგ, საპროტესტო აქციები მიმდინარეობს. მოქალაქეები არჩევნების შედეგებს არ აღიარებენ და პრეზიდენტის, ალექსანდრე ლუკაშენკოს გადადგომას მოითხოვენ.