ბრონირებული Renault Espace, რომლითაც საფრანგეთის პრეზიდენტი ემანუელ მაკრონი ვარშავაში ვიზიტისას გადაადგილდებოდა, პოლონეთის პრეზიდენტთან, ანჯეი დუდასთან შეხვედრის შემდეგ არ დაიქოქა. შედეგად, საფრანგეთის ლიდერს ვარშავაში ელჩის მიერ შემოთავაზებული ავტომობილით სარგებლობა მოუწია. ამის შესახებ გამოცემა Dziennik.pl წერს.
როგორც ჩანს, პრობლემა საკმაოდ სერიოზულია, ვინაიდან უსაფრთხოების სამსახურის თანამშრომლები მანქანის შეცვლას დათანხმდნენ და ემანუელ მაკრონი არაბრონირებულ Citroen C6-ში გადაჯდა.
