ფილიპინებში მამლების აკრძალული ორთაბრძოლების რეიდისას მამალმა პოლიციელი მოკლა. ინფრმაციას BBC ავრცელებს. შემთხვევა ჩრდილოეთ სამარის პროვინციაში მოხდა. ორთაბრძოლების წესების თანახმად, საჩხუბრად გამზადებულ მამლებს დეზებზე ფოლადის კაუჭს უმაგრებენ. მამალმა პოლიციელს ქრისტინ ბოლოქს ბარძაყი გადაუჭრა, რა დროსაც მთავარი არტერია დაზიანდა და პოლიციელი სისხლისგან დაიცალა. იგი საავადმყოფოში მიყვანამდე გარდაიცვალა.
ფილიპინებში მამლების ორთაბრძოლა აკრძალულია. ის მხოლოდ დიდ დღესასწაულებზეა დაშვებული და მაშინაც, მამლები დახურულ კაბინებში უნდა იყვნენ მოთავსებული.
ადგილობრივი პოლიციაში აცხადებენ, რომ რაღაც დაუჯერებელი რამ მოხდა და მსგავსი შემთხვევა მათ არასოდეს ჰქონიათ და არც გაუგიათ.
მომხდართან დაკავშირებით 3 პირი დააკავეს. კიდევ რამდენიმე ეჭვმიტანილზე ძებნაა გამოცხადებული.
