ბრიტანეთში სერიულ მანიაკს, რომელმაც 150-ზე მეტი სექსუალური დანაშაული, მათ შორის გაუპატიურების 136 ჩაიდინა, სამუდამო პატიმრობა მიუსაჯეს. გამოძიების ინფორმაციით, ჯამში მან 190 მამაკაცი გააუპატიურა.
მანჩესტერის სასამართლომ დაადგინა, რომ 36 წლის რეინარ სინაგა მსხვერპლებს საკუთარ ბინაში იტყუებდა, სასმელში ნარკოტიკს ურევდა, აუპატიურებდა და ამას ვიდეოზე იღებდა.
ბრიტანეთის პროკურატურა აცხადებს, რომ ეს დანაშაული გაუპატიურებების რაოდენობით ქვეყანაში რეკორდულია.
სასამართლო მოსმენები წელიწადნახევრის განმავლობაში მიმდინარეობდა.
