ჩინეთის ეროვნულმა კოსმოსურმა სააგენტომ მარსის ზედაპირის ახალი ფოტოები გამოაქვეყნა. სამი ახალი ფოტო მაღალი გაფართოებისაა.
კადრები წითელი პლანეტის კვლევის ზონდმა "ტიანვენ 1-მა" დააფიქსირა.
#BREAKING The China National Space Administration releases three high-definition images of #Mars taken by the nation's first Mars exploration mission probe Tianwen-1 pic.twitter.com/niZnadV6hK
— CGTN (@CGTNOfficial) March 4, 2021
ზონდი "ტიანვენ 1" გასული წლის მაისში გაუშვეს. მისი მისია მარსის ორბიტაზე გასვლა, მის გარშემო ტრიალი, პლანეტის ზედაპირზე დაშვება და გადაადგილებაა. ზონდის მარსის ზედაპირზე დაშვება 2021 წლის მაის-ივნისში იგეგმება.
ექსპერიმენტის წარმატების შემთხვევაში მეცნიერებს მარსის ატმოსფეროს, რელიეფის, გეოლოგიური მახასიათებლებისა და პლანეტის მაგნიტური ველის შესახებ უფრო მეტის გაგება შეეძლებათ. შესაძლებელი გახდება მარსის ევოლუციის შესწავლა და პასუხის გაცემა კითხვაზე: იქნება თუ არა შესაძლებელი ადამიანებისთვის მომავალში მარსზე ცხოვრება?