მექსიკაში კორონავირუსის გავრცელებიდან დღემდე COVID-19-ით გარდაცვლილთა რაოდენობამ 155 145-ს მიაღწია, ხოლო ინფიცირებულთა საერთო რაოდენობამ - 1,82 მილიონს. მონაცემებს ქვეყნის ჯანდაცვის სამინისტრო ავრცელებს.
გუშინ, 28 იანვარს ქვეყანაში კორონავირუსით გარდაცვალების 1 506 შემთხვევა დაფიქსირდა. განახლებული მონაცემებით, მექსიკა COVID-19-ის მსხვერპლთა რაოდენობით მსოფლიოში მესამე ადგილზეა.
ცნობილია, რომ მექსიკის პრეზიდენტი ანდრეს მანუელ ლოპესიც კორონავირუსით დაინფიცირდა, თუმცა დაავადება მსუბუქ ფორმებში მიმდინარეობს.
