აღმოსავლეთ მექსიკაში ნავთობგადამამუშავებელ ქარხანაში გაჩენილი ხანძრის შედეგად 7 ადამიანი დაშავდა. შემთხვევის შედეგად არავინ დაღუპულა. ამის შესახებ ნავთობისა და გაზის სახელმწიფო კომპანია Pemex-მა განაცხადა.
ცნობილია, რომ ერთმა მუშამ დამწვრობა მიიღო, მეორე კი დაკვამლიანებით მოიწამლა.
გარდა ამისა, დაშავდა ხუთი მეხანძრე, რომლებიც ხანძრის ლიკვიდაციაში მონაწილეობდნენ.
კომპანიამ აღნიშნა, რომ ინციდენტის ადგილზე Pemex-ის კვალიფიციური თანამშრომლები მუშაობენ.