მექსიკაში, ხალისკოს შტატში, შეიარაღებული თავდასხმის შედეგად 11 ადამიანი დაიღუპა, ხოლო ორი დაშავდა. ამის შესახებ უცხოური მედია იუწყება.
გავრცელებული ინფორმაციით, გარდაცვლილებს სასიკვდილო ჭრილობა ცეცხლსასროლი იარაღით აქვთ მიყენებული.
გარდაცვლილთა გარდა, ცეცხლსასროლი იარაღის ჭრილობები კიდევ ორ პირს - ქალსა და მცირეწლოვანს აღენიშნებათ. ისინი საავადმყოფოში არიან გადაყვანილები და მკურნალობა უტარდებათ.
ადგილობრივი მედიის ცნობით, შეიარაღებულმა პირებმა გამვლელებს ცეცხლი სამი მანქანიდან გაუხსნეს და თავდასხმის ადგილიდან მიიმალნენ. ამ დროისათვის მომხდარზე გამოძიება მიმდინარეობს, დამნაშავეებს ვერტმფრენებით ეძებენ.
