მექსიკაში მომხდარ შეიარაღებულ დაპირისპირებას კარტელის 10 წევრი და 4 პოლიციელი ემსხვერპლა. ადგილობრივი ხელისუფლების ცნობით, ინციდენტის შედეგად დაჭრილია 6 სამართალდამცველი. ამის შესახებ ინფორმაციას "როიტერსი" ავრცელებს.
შეიარაღებულ პირებსა და პოლიციელებს შორის შეტაკება მას შემდეგ დაიწყო, რაც მეზობელ შტატ ტამაულიფადან შემოჭრილმა პირებმა ქალაქში საეჭვოდ დაიწყეს გადაადგილება. სამართალდამცავების ინფორმაციით, ავტომობილებიდან 10-ზე მეტი იარაღი ამოიღეს.
ცნობისთვის, რამდენიმე დღის წინ აშშ-ის პრეზიდენტი დონალდ ტრამპი მექსიკელი ნარკოკარტელების ტერორისტთა სიაში შეყვანის ინიციატივით გამოვიდა, რასაც მექსიკის პრეზიდენტის პასუხიც მოჰყვა, ანდრე მანუელ ლოპეზ ობრადორმა განაცხადა, რომ მექსიკა მოძალადე კრიმინალურ დაჯგუფებებთან გამკლავებას დამოუკიდებლადაც მოახერხებს.
ლევან ფანცხავა
ავტორი