ავსტრალიის ქალაქ მელბურნში მშენებარე ობიექტები დაიხურა, მას შემდეგ რაც მშენებლებმა კორონაცირუსის საწინააღმდეგო სავალდებულო ვაქცინაცია გააპროტესტეს. ინფორმაციას BBC ავრცელებს.
ადგილობრივი ხელისუფლების განცხადებით, მშენებლობა 2 კვირით შეჩერდება.
ახალი რეგულაციებით, 23 სექტემბრიდან სამშენებლო კომპანიების თანამშრომლებისთვის კორონავირუსის საწინააღმდეგო ვაქცინაცია სავალდებულო გახდა, რაც პროტესტის მიზეზი გახდა.
პოლიციამ აქციის დასაშლელად რეზინის ტყვიები და წიწაკის სპრეი გამოიყენეს. რამდენიმე ადამიანი დაკავებულია.