გერმანია პანდემიის დასაწყისშია, - ამის შესახებ ბუნდესტაგში გამოსვლისას გერმანიის კანცლერმა, ანგელა მერკელმა განაცხადა.
"ჩვენ პანდემიის არა ბოლოში, არამედ დასაწყისში ვართ. ჩვენ ამ ვირუსთან კიდევ ერთად კიდევ დიდხანს ვიცხოვრებთ", - განაცხადა მან.
კანცლერის თქმით, ინფექციის გავრცელების შენელება მოხერხდა, დროის მოგებით კი ჯანდაცვის სისტემა გაძლიერდა.
ანგელა მერკელმა ასევე აღნიშნა, რომ ჯანდაცვის მსოფლიო ორგანიზაცია გერმანიის შეუცვლელი პარტნიორია და ქვეყანა მის საქმიანობას მხარს უჭერს.
