მასშტაბური კრიტიკისა და COVID-19-ის საწინააღმდეგო ახალი შეზღუდვების წინააღმდეგ საპროტესტო აქციების შემდეგ, გერმანიის კანცლერმა, ანგელა მერკელმა გააუქმა რიგი მკაცრი შეზღუდვები, რომელიც ქვეყანაში 1-დან 5 აპრილის ჩათვლით უნდა დაწესებულიყო. ახალი დადგენილების თანახმად, რეგულაციებო მხოლოდ 2,4 და 5 აპრილს იმოქმედებს, შესაბამისად აღდგომის დღესასწაულს აღარ შეეხება.
მანამდე შეზღუდვები გერმანიის მასშტაბით 1-5 აპრილს სუპერმარკეტების დახურვას ითვალისწინებდა, ასევე იკრძალებოდა 5 ადამიანზე მეტის შეხვედრა, რამაც მოსახლეობის უკმაყოფილება გამოიწვია.
"ეს მხოლოდ ჩემი შეცდომა იყო, ვინაიდან საბოლოო ჯამში მხოლოდ მე მაკისრია ამ ყველაფერზე პასუხისმგებლობა", - განაცხადა მერკელმა და მოქალაქეებს ბოდიში მოუხადა.
შეგახსენებთ, 22 მარტს ცნობილი გახდა, რომ გერმანიაში კორონავირუსის გავრცელების წინააღმდეგ დაწესებული "ლოქდაუნი" 18 აპრილამდე გაგრძელდება.
