კორონავირუსით ინფიცირებულთა მაღალი სიკვდილიანობა შესაძლოა D ვიტამინის ნაკლებობით იყოს გამოწვეული. ამის შესახებ ნათქვამია დედოფალი ელისაბედის სახელობის საავადმყოფოს ფონდისა და აღმოსავლეთ ინგლისის უნივერსიტეტის მეცნიერების მიერ ჩატარებულ კვლევაში.
Research Square-ის მიერ გამოქვეყნებული კვლევის თანახმად, სპეციალისტებმა განსაზღვრეს D ვიტამინის საშუალო დონე ევროპის 20 ქვეყნის მაცხოვრებლებში. მეცნიერებმა აღნიშნული მონაცემები შეადარეს ამ ქვეყნებში კორონავირუსის შედეგად გამოწვეული სიკვდილიანობის მაჩვენებელს და მათ შორის მნიშვნელოვანი კავშირი დაინახეს.
აღმოჩნდა, რომ რაც უფრო დაბალია D ვიტამინის საშუალო დონე მაცხოვრებლებში, მით უფრო მაღალია სიკვდილიანობის მაჩვენებელი.
მეცნიერების აზრით, ვიტამინი D ბლოკავს მწვავე რესპირატორულ ინფექციებს. ისინი გვირჩევენ მივიღოთ ვიტამინი D, რათა თვი დავიცვათ ახალი ვირუსისგან. თუმცა, უნდა აღინიშნოს, რომ ჯანდაცვის საერთაშორისო ორგანიზაციას აღნიშნულთან დაკავშირებით კომენტარი არ გაუკეთებია. ამასთანავე D ვიტამინის ჭარბი რაოდენობით მიღება ადამიანის ორგანიზმისთვის საზიანოა.
