მიჩიგანის გუბერნატორის, გრეთჰენ უიტმერის გატაცების საქმეში ერთ-ერთმა 25 წლის ეჭვმიტანილმა დანაშაული აღიარა. აღინიშნა, რომ მის წინააღმდეგ წაყენებული მუხლით მას უვადო თავისუფლების აღკვეთა ემუქრება.
2020 წლის 8 ოქტომბერს მიჩიგანის გენერალურმა პროკურორმა განაცხადა, რომ დაჯგუფება "Wolverine Watchmen-ის" 13 წევრი დააკავეს, რომლებიც ეჭვმიტანილები არიან ტერორისტული აქტების ორგანიზებაში და ადამიანის გატაცების მცდელობაში. მათ სამუდამო პატიმრობა ემუქრებათ.
ხელისუფლების თქმით, შეთქმულების ორგანიზატორები უიტმერის სახლთან აფეთქების მოწყობას და მისი გატაცების შემთხვევაში ელექტროშოკის გამოყენებას აპირებდნენ.
