ეუთო-ს მინსკის ჯგუფის თანათავმჯდომარეები ყარაბაღის კონფლიქტის მხარეებს ჰუმანიტარულ დაზავებას სთავაზობენ, რათა მხარეებმა გარდაცვლილ სამხედროთა ცხედრების გამოტანა შეძლონ, - ამის შესახებ აღნიშნულია ეუთო-ს მინსკის ჯგუფის თანათავმჯდომარეების, იგორ პოპოვის (რუსეთი), სტეფან ვისკონტის (საფრანგეთი) და ენდრიუ შოფერის (აშშ) განცხადებაში.
თანათავმჯდომარეები კონფლიქტის მხარეებს მოუწოდებენ, წინაპირობის გარეშე მოლაპარაკებებს დაუბრუნდნენ, დაიცვან სამოქალაქო მოსახლეობის დაცვის მიმართულებით აღებული საერთაშორისო ვალდებულებები.
"მშვიდობიან მოქალაქეებზე თავდასხმა სრულიად მიუღებელია", - აღნიშნულია განცხადებაში.
