ბელარუსის დედაქალაქში ქალები საპროტესტო აქციას მართავენ. აქციის მონაწილეები 9 აგვისტოს ქვეყანაში ჩატარებული საპრეზიდენტო არჩევნების შედეგების აპროტესტებენ და საპროტესტო აქციების დროს დაზარალებულთა საქმეში ბრალდებული პირების დასჯას მოითხოვენ.
ადგილობრივი საინფორმაციო სააგენტო TYT.BY-ის ცნობით, აქციაში ათასამდე ადამიანი მონაწილეობს. სამართალდამცველები მომიტინგეებს დაშლისაკენ მოუწოდებენ.
საპროტესტო აქციის დროს დააკავეს რამდენიმე ჟურნალისტი.
შეგახსენებთ, ბელარუსში 9 აგვისტოს საპრეზიდენტო არჩევნების შემდეგ საპროტესტო გამოსვლები მიმდინარეობს. საპროტესტო აქციის მონაწილეები მოქმედი პრეზიდენტის ალექსანდრ ლუკაშენკოს 80%-ით გამარჯვებას არ აღიარებს და შედეგების გაყალბებას აპროტესტებს.
