თურქეთში, ქალაქ ელაზიღში მომხდარი მიწისძვრის შედეგად დაღუპულთა რიცხვი 20-მდე გაიზარდა. მიწისძვრის შედეგად ჩამონგრეულ შენობაში სამძებრო სამუშაოები მიმდინარეობს. ინფორმაციას ადგილობრივი მედია ავრცელებს.
მიწისძვრის შედეგად, ამჟამინდელი მონაცემებით, მხოლოდ ელაზიღში 230 ადამიანი დაშავდა. დაზიანდა 100-მდე შენობა. ერთ-ერთ საცხოვრებელ კორპუსს, სავარაუდოდ, ბუნებრივი აირის გაჟონვის შედეგად ცეცხლი გაუჩნდა. ხანძრის ჩაქრობა ამ დრომდე ვერ ხერხდება.
პირველი მიწისძვრის სიმძლავრემ 6.8 მაგნიტუდა შეადგინა, თუმცა შემდგომი შოკური რყევები კიდევ რამდენიმე წუთს გრძელდებოდა და სიმძლავრე დაახლოებით 4 მაგნიტუდამდე მერყეობდა.
შემთხვევა აღმოსავლეთით, ელაზიღის პროვინციაში მოხდა. ეპიცენტრი 6.5 კილომეტრის სიღრმეზე ქალაქ სივრიჯთან დაფიქსირდა.
აშშ-ის სეისმოლოგიური ცენტრის მონაცემებით მიწისძვრა იგრძნობოდა სირიაში, საქართველოსა და სომხეთშიც.
საქართველოს საგარეო საქმეთა სამინისტროას ინფორმაციით, დაშავებულთა და დაღუპულთა შორის საქართველოს მოქალაქეები არ არიან.
LATEST â Emergency crews continue search and rescue efforts at the scene of collapsed buildings in ElazÄ±Ä pic.twitter.com/aaBmEq40eM
— DAILY SABAH (@DailySabah) January 24, 2020
