მოსკოვის N50 საავადმყოფოში გაჩენილი ხანძრის დროს ერთი ადამიანი გარდაიცვალა. ამის შესახებ განცხადებას რუსეთის დედაქალაქის საგანგებო სიტუაციების სამინისტროს პრესსამსახური ავრცელებს.
ხანძარი მოსკოვის დრით 21:03 საათზე სამედიცინო აღჭურვილობის გაუმართაობის გამო გაჩნდა.
შემთხვევა ექვსსართულიანი სამედიცინო კორპუსის პირველ სართულზე, ინტენსიური თერაპიის განყოფილებაში მოხდა. ხანძარმა 20 კვადრატული მეტრი მოიცვა.
რუსეთის საგანგებო სიტუაციების სამინისტროს პრესსამსახურის ცნობით, შენობიდან 200-ზე მეტი ადამიანი იქნა ევაკუირებული.