შეიარაღებული პირების თავდასხმის ფონზე თითქმის ნახევარი მილიონი ადამიანი ტოვებს ჩრდილოეთ მოზამბიკას. გაერო-ს დევნილთა სააგენტოში აცხადებენ, რომ კრიზისი შესაძლოა ქვეყნის გარეთაც გაგრძელდეს, თუ მეზობელი სახელმწიფოები მოზამბიკას აჯანყებულებთან გამკლავებაში არ დაეხმარებიან.
მოზამბიკის ჩრდილოეთ ნაწილი კაბო დელგადო, სადაც 60 მილიარდამდე დოლარის ღირებულების გაზის საბადოებია, ებრძვის აჯანყებულებს, რომელთაც "ისლამურ სახელმწიფოსთან" აქვთ კავშირი. აჯანყებულები მუდმივად უტევენ სახელწიფო არმიას და ქალაქებზე კონტროლს აფართოებენ.
აჯანყებულებთან დაკავშირებით მოზამბიკის, ზიმბაბვეს, სამხრეთ აფრიკის, და ბოტსვანისა და ტანზანიის ლიდერები მაპუტუში დღეს შეხვედრას გამართავენ.
