25 აპრილის მონაცემებით, მსოფლიო მასშტაბით კორონავირუსის საწინააღმდეგო ვაქცინის 1 მილიარდზე მეტი დოზა გაკეთდა. ამის შესახებ გამოცემა Bloomberg წერს.
გამოცემის ცნობით, გლობალურად აცრის ტემპი დღეში საშუალოდ 18,3 მილიონ დოზას შეადგენს.
მსოფლიოში ადმინისტრირებული ვაქცინების 58 პროცენტი სამ ქვეყანაზე, კერძოდ აშშ-ზე, ჩინეთსა და ინდოეთზე მოდის. ხოლო, ასი ათას მოსახლეზე ვაქცინირებულთა რაოდენობით მსოფლიოში პირველ ადგილზე ისრაელია.
Bloomberg-ის ცნობით, თუ აცრის ტემპი დღეში საშუალოდ 18,5 მილიონ დოზამდე გაიზრდება, მსოფლიო მოსახლეობის 75%-ის ვაქცინაციას კიდევ 19 თვე დასჭირდება.