მსოფლიოში ახალი ტიპის კორონავირუსით ინფიცირებულთა რაოდენობამ 64,6 მილიონს გადააჭარბა, ხოლო გარდაცვლილთა რიცხვი 1,5 მილიონს აღწევს.
ჯანმრთელობის მსოფლიო ორგანიზაციის მონაცემებით, კორონავირუსით გარდაცვლილთა რიცხვი, გასული 24 საათის განმავლობაში, 12,161-ით გაიზარდა და 1,524,473-ს მიაღწია.
ბოლო დღე-ღამის განმავლობაში, კორონავირუსით კიდევ 628,592 ადამიანი დაინფიცირდა და ინფიცირებულთა საერთო რაოდენობა 64,603,428-მდე გაიზარდა.
ინფიცირებულთა მაჩვენებლით შეერთებული შტატები ლიდერობს. აშშ-ში კორონავირუსის 14,772,535 შემთხვევა გამოვლინდა.
მეორე ადგილს ინდოეთი იკავებს, სადაც კორონავირუსით 9,608,418 ადამიანია ინფიცირებული. ინფიცირებულთა მაჩვენებლით მსოფლიო სამეულშია ბრაზილია - 6,534,951 კოვიდინფიცირებული.