NATO-ს წევრი ქვეყნებში მოსახლეობა უფრო აშშ-სთან მჭიდრო კავშირების მომხრეა, ვიდრე რუსეთთან. გამონაკლისი მხოლოდ ბულგარეთი და სლოვაკეთია. ამის შესახებ ნათქვამია გამოკითხვაში, რომელსაც Pew Research Center ავრცელებს.
სოციოლოგიური კვლევის თანახმად, საზოგადოება დასავლეთ ევროპაში, რომელიც აცხადებს, რომ აშშ-სთან ურთიერთობა უფრო მნიშვნელოვანია, გაცილებით მრავალრიცხოვანია. მაგალითად, რუსეთის ნაცვლად, მჭიდრო კავშირებს აშშ-სთან დიდ ბრიტანეთსა და ნიდერლანდებში 10-დან დაახლოებით 8 ადამიანი ამჯობინებს.
შვედეთში, რომელიც NATO-ს წევრი არ არის, აშშ-სთან მჭიდრო კავშირებს 71% უჭერს მხარს, რუსეთთან - 11%.
რამდენიმე ქვეყანაში ორივე ქვეყანასთან თანაბარი ურთიერთობის მომხრეები არიან. მაგალითად, უნგრეთში, პოლონეთში, სლოვაკეთსა და ბულგარეთში გამოკითხულთა ნახევარი ან მეტი აცხადებს, რომ აშშ-სთან და რუსეთთან ურთიერთობა ერთნაირად მნიშვნელოვანია. იტალიაში, საბერძნეთში, ჩეხეთსა და ლიეტუვაში ამ მოსაზრებას მხოლოდ 10-დან 4 ადამიანი იზიარებს.
