კორონავირუსული პანდემია გავლენას არ ახდენს ნატოს შესაძლებლობებზე, მსოფლიოს სხვადასხვა კუთხეში განახორციელოს სამხედრო ოპერაციები, ალიანსი უზრუნველყოფს მის სამხედრო უსაფრთხოებას. ამის შესახებ NATO-ს სამხედრო კომიტეტის თავმჯდომარემ, სტიუარტ პიჩმა განაცხადა.
”ჩვენ ყველაფერს ვაკეთებთ ჯარისკაცები ჯანმრთელობასა და უსაფრთხოების დაცვისთვის. ჩვენი მისიები და ოპერაციები გრძელდება", - განაცხადა პიჩმა.
მისი თქმით, COVID-19-ის მიუხედავად, ნატო აგრძელებს კოლექტიური თავდაცვის მისიების განხორციელებას, მათ შორის ალიანსის აღმოსავლეთით, ასრულებს საჰაერო პატრულირებებს, საზღვაო ოპერაციებს და ახორციელებს მისიებს ავღანეთსა და კოსოვოში.
NATO-ს სამხედრო კომიტეტი ორგანიზაციის უმაღლესი სამხედრო ორგანოა, რომელიც პასუხისმგებელია კონსულტაცია გაუწიოს ძირითადი პოლიტიკური ორგანოს - ჩრდილოატლანტიკური საბჭოსა და ბირთვული დაგეგმვის ჯგუფს.