NATO-ს ხუთი მოკავშირე ქვეყანა ახალი საშუალო ტვირთამწეობის მქონე ვერტმფრენის შექმნაზე შეთანხმდა. ინფორმაციას ამის შესახებ Defense News ავრცელებს.
ერთობლივ სამუშაოებში მონაწილეობას საფრანგეთი, გერმანია, დიდი ბრიტანეთი, იტალია და საბერძნეთი მიიღებენ.
ახალი თაობის ვერტმფრენმა არსებული სატრანსპორტო ფლოტი 2035 წლიდან უნდა ჩაანაცვლოს.
ამასთან, მისი შექმნის პროცესში მონაწილეობა NATO-ს სხვა წევრებსა და მოკავშირეებსაც შეუძლია.
ჩრდილოატლანტიკურ ალიანსში ვარაუდობენ, რომ საბოლოო იურიდიული შეთანხმება ვერტმფრენის შექმნის შესახებ 2022 წელს გაფორმდება.
