ლონდონში, NATO-ს სამიტში მონაწილე მსოფლიო ლიდერები ერთმანეთში საუბრობდნენ და მედიამ ეს მომენტი დააფიქსირა. დიდი ბრიტანეთის პრემიერი ბორის ჯონსონი, კანადის ლიდერი ჯასტინ ტრიუდო, ნიდერლანდების პრემიერი მარკ რიუტე და საფრანგეთის პრეზიდენტი ემანუელ მაკრონი, ხანგრძლივი პრესკონფერენციის გამო, პრეზიდენტ დონალდ ტრამპზე ხუმრობდნენ. ვიდეო, სადაც ლიდერები ბაქინგემის სასახლეში მიღებაზე იმყოფებიან, Power & Politics-მა გამოაქვეყნა.
ვიდეომასალას აქვს მინაწერი: „პრეზიდენტ დონალდ ტრამპის სახელს არავინ ახსენებს, თუმცა, როგორც ჩანს, ისინი მის მიერ გამართულ ხანგრძლივ, იმპროვიზირებულ პრესკონფერენციას განიხილავენ“.
„ამიტომ დაგაგვიანდათ?“, - მიმართავს ბორის ჯონსონი ემანუელ მაკრონს.
„დააგვიანდა, იმიტომ, რომ მისი იმპროვიზირებული პრესკონფერენცია 40 წუთი გაგრძელდა...ო, დიახ, დიახ, დიახ. გამოაცხადა მან...“, - პასუხობს კანადის პრემიერი ჯასტინ ტრუდო.
ამ რეპლიკის შემდეგ საუბარში ემანუელ მაკრონი ერთვება, რომელიც კამერასთან ზურგით დგას და მისი სიტყვები არ ისმის. შემდეგ ისევ ჯასტინ ტრუდო ამბობს ერთ ფრაზას:
„ ... და ხედავდი მისი მისი გუნდის წევრებს ყბა როგორ ჩამოუვარდათ..“
.@JustinTrudeau, @EmmanuelMacron, @BorisJohnson and other VIPs shared a few words at a Buckingham Palace reception Tuesday. No one mentions @realDonaldTrump by name, but they seem to be discussing his lengthy impromptu press conferences from earlier in the day. (Video: Host Pool) pic.twitter.com/dVgj48rpOP
— Power & Politics (@PnPCBC) December 3, 2019
ვიდეო ძალიან სწრაფად გავრცელდა საერთაშორისო მედიაში, სოციალურ ქსელში კი ათასობით მოწონება და გაზიარება დაიმსახურა.
პრეზიდენტი დონალდ ტრამპი თავის ხანგრძლივი პრესკონფერენციებით ცნობილია.
მედეა ცხოვრებაძე
ავტორი