ნიდერლანდებში გასული დღე-ღამის განმავლობაში კორონავირუსის 2 777 ახალი შემთხვევა გამოვლინდა.
ქვეყანაში უკვე მეორე დღეა, კორონავირუსის ახალი შემთხვევების დღიური მაჩვენებელი 2 500-ზე მაღალია.
ქვეყნის პრემიერ-მინისტრი, მარკ რუთი მოსახლეობას რეკომენდაციების დაცვისკენ მოუწოდებს.
ნიდერლანდებში ამ დროისთვის სკოლები და რესტორნები ღიაა, პირბადის ტარება კი მხოლოდ საზოგადოებრივ ტრანსპორტშია სავალდებულო.
ნიდერლანდებში კორონავირუსის 110 676 შემთხვევაა დადასტურებული, მათ შორის 6 361 ადამიანი გარდაიცვალა.