ნიდერლანდების სამხრეთ-აღმოსავლეთ ნაწილში წყალდიდობის საშიშროების გამო დაახლოებით 15 ათასი მოქალაქეა ევაკუირებული. ინფორმაციას ამის შესახებ NL Times ავრცელებს.
”დღეს, მაასტრიხტის ნაწილი დაიტბორება. დაზარალებულ რაიონებში ჩვენ ველით წყლის საკმაოდ მაღალ დონეს - 80 სმ-დან 5 მ-მდე”,- განაცხადეს სამხრეთ ლიმბურგის რეგიონის უსაფრთხოების სამსახურში.
ლიმბურგის სხვა ქალაქში, რურმონდში ევაკუაცია გამოცხადდა სახლებში, რომლებიც მდინარე მაასის შენაკადებთან მდებარეობს.
”ეს უპრეცედენტო შემთხვევაა. მაასზე წყალმოვარდნები არასოდეს გვინახავს”, - განაცხადეს ჩრდილოეთ ლიმბურგის რეგიონის უსაფრთხოების სამსახურში.