ნიგერიის ჩრდილოეთ-აღმოსავლეთ ნაწილში ასაფეთქებელი მოწყობილობის აფეთქებას 30 ადამიანი ემსხვერპლა. ბომბი ერთ-ერთ ხიდზე ამოქმედდა. ინფორმაციას ამის შესახებ სააგენტო "Reuters" ავრცელებს. 35-ზე მეტი ადამიანი დაშავებულია. ისინი საავადმყოფოში გადაიყვანეს.
მომხდარზე პასუხისმგებლობა, ჯერჯერობით, არც ერთ დაჯგუფებას არ აუღია. ადგილობრივი ხელისუფლება ვარაუდობს, რომ მათ "ბოკო ჰარამის" მებრძოლები დაესხნენ თავს.
