ნიუ-იორკის 8 სხვადასხვა მეტროსადგურში დროებითი ვაქცინაციის პუნქტები გაიხსნა. ამის შესახებ გამოცემა The New York Times წერს.
ვაქცინაციის კამპანიის გააქტიურების მიზნით, ნიუ-იორკის ხელისუფლებამ გადაწყვიტა, მოსახლეობა პირდაპირ მეტროს სადგურებზე აცრას.
დროებითი ვაქცინაციის პუნქტები ქალაქის სხვადასხვა ნაწილში მდებარე მეტრო სადგურებზე 12-დან 16 მაისამდე იქნება განთავსებული.
ნიუ-იორკის მეტროებში კორონავირუსზე ვაქცინაცია Johnson & Johnson-ის ვაქცინით ჩატარდება.
პირები, რომლებიც მეტროში აიცრებიან უფასო შვიდდღიან MetroCard-ს ან რკინიგზის სადგურის ორ უფასო სამგზავრო ბილეთს მიიღებენ.
ნიუ-იორკის მერმა, ბილ დე ბლაციომ განაცხადა, რომ მეტროში ვაქცინირებულებს ასევე ნიუ-იორკის აკვარიუმისა და ბრუკლინის ბოტანიკური ბაღის უფასო ბილეთებიც გადაეცემათ.