აზერბაიჯანის მეცნიერებათა ეროვნული აკადემიის აკადემიკოსის რამიზ მეჰდიევის განცხადებით, აზერბაიჯანის ოკუპაციისგან გათავისუფლებულ ტერიტორიაზე შუშას რეგიონალური სამეცნიერო ცენტრი აშენდება. ამის შესახებ ინფორმაციას აზერბაიჯანული მედია ავრცელებს.
რამიზ მეჰდიევის განცხადებით, მეცნიერების სხვა დარგებთან ერთად, ასევე განიხილება ფიზიკის განყოფილების შექმნა, რომელიც რეგიონის საჭიროებების შესაბამისად ფიზიკისა და ბუნებრივი რესურსების ფიზიკური თვისებების საკითხებს შეისწავლის.
გარდა ამისა, გათვალისწინებულია ყარაბაღის რეგიონული სამეცნიერო ცენტრისა და ახლად შექმნილი ყარაბაღის უნივერსიტეტის სამეცნიერო და საკადრო მხარდაჭერა.
აკადემიკოსის აზრით, ასევე განიხილება ხუდაფარას ხიდთან სეისმური აკუსტიკური სადგურის შექმნა, მთიან ყარაბაღში ასტრონომიული სადგურის მშენებლობა, ასევე ადგილობრივი თავისებურებების გათვალისწინებით, 200 მლნ ტონა და 250 მლრდ კუბური მეტრის მარაგით ნავთობისა და გაზის საბადოების განვითარების წინადადებების მომზადება.
