პარაგვაის პრეზიდენტმა მარიო აბდო ბენიტესმა, ქვეყანაში მიმდინარე საპროტესტო გამოსვლების გამო, ყველა მინისტრს თანამდებობიდან გადადგომა სთხოვა. ამის შესახებ პარაგვაის საინფორმაციო ტექნოლოგიებისა და კომუნიკაციების მინისტრმა, მანუელ ბრუნეტმა განაცხადა.
ამასთან, მარიო აბდო ბენიტესმა მინისტრთა კაბინეტის სამი წევრი გაათავისუფლა. თანამდებობა განათლების, ქალთა და სამოქალაქო საქმეთა მინისტრებმა დატოვეს.
პარაგვაის მოსახლეობა უკვე რამდენიმე თვეა აქციებს მართავს და პრეზიდენტისა და მთავრობის გადადგომას მოითხოვს. ერთ-ერთი ასეთი აქცია შეტაკებებით დასრულდა, რომლის დროსაც ერთი ადამიანი გარდაიცვალა, 20-ზე მეტი კი დაშავდა.
