საფრანგეთის დედაქალაქში, გუშინ ღამით, გარეუბანში მდებარე პოლიციის განყოფილებას 40-მდე ადამიანი თავს დაესხა. ამის შესახებ საინფორმაციო სააგენტო Reuters იუწყება.
გამოცემის ცნობით, დაუდგენელმა პირებმა განყოფილებაში შეღწევა სცადეს, რის გამოც ასაფეთქებელი მოწყობილობები ისროლეს და შუშები ჩაამსხვრიეს.
გამოცემა აღნიშნავს, რომ მაისის შუა რიცხვებში მთავრობამ მოსახლეობა გააფრთხილა, რომ COVID-19-ის პრევენციის მიზნით დაწესებული შეზღუდვების დასრულების შემდეგ, მთელ საფრანგეთში ეკონომიკური ვარდნის ფონზე, დანაშაული გაიზრდებოდა.
