სამხრეთ კორეაში, სეულის მახლობლად, ევერლენდის ზოოპარკის მკვიდრის - პატარა პანდას ვიდეომ სოციალური ქსელი დაიპყრო. ზოოპარკის მომვლელმა YouTube-ზე ვიდეო გამოაქვეყნა, სადაც პანდას შვილის, პატარა ფუ ბაოს აწონას ცდილობს, ის კი მის ფეხზეა ჩამოკიდებული და იქიდან ჩამოსვლა არ უნდა.
ფუ ბაო 6 თვისაა. მისი სახელი "ბედნიერების მიმნიჭებელ საგანძურს" ნიშნავს. მას თავის მომვლელთან განშორება არ უნდა, მუდამ თან დაჰყვება და მის ფეხზე აცოცებას ცდილობს.