აშშ-ს ჯორჯიის შტატში პოლიცია ბავშვის გაუპატიურებისთვის მსჯავრდებულ მამაკაცს ეძებენ, რომელიც საპატიმროდან შეცდომით გაათავისუფლეს.
ჯორჯიის სასჯელაღსრულების დეპარტამენტის განცხადებაში აღნიშნულია, რომ 31 წლის ტონი მეიკონ მუნოს-მენდესმა ციხე 25 ოქტომბერს შეცდომით დატოვა. მას სამუდამო პატიმრობა ჰქონდა მისჯილი.
„მუნოს-მენდესის სწრაფად დასაკავებლად მობილიზებულია ყველა რესურსი“, – აღნიშნულია უწყების განცხადებაში.
ჯერჯერობით უცნობია, რა ვითარებაში მოხდა მისი გათავისუფლება.
10 წლამდე გოგონაზე სექსუალური ძალადობისთვის მუნოს-მენდესი 2015 წლის აპრილიდან იხდიდა სასჯელს.
ელენა ტრეხლებოვა
ავტორი