სამედიცინო გამოცემა Live Science-ის ცნობით, ამერიკელი ქალბატონი კორონავირუსით თითქმის ერთი წლის განმავლობაში იყო ინფიცირებული. ექიმები ამას კიბოს საწინააღმდეგო ქიმიოთერაპიით დასუსტებულ იმუნურ სისტემას უკავშირებენ.
47 წლის პაციენტი COVID-19-ით საავადმყოფოში, მერილენდის ჯანმრთელობის ეროვნულ ინსტიტუტში, 2020 წლის გაზაფხულზე გადაიყვანეს.
გამოცემის ცნობით, ექიმები მას 335 დღის განმავლობაში მკურნალობდნენ. გარდა ამისა, რომ პაციენტის კოვიდ ტესტი მთელი ამ პერიოდის განმავლობაში დადებით შედეგს აჩვენებდა, მას დაავადების სიმპტომებიც აღენიშნებოდა.
ექიმები ამ შემთხვევას კორონავირუსით ინფიცირების ყველაზე ხანგრძლივ პერიოდად მიიჩნევენ.
