პეკინის ხელისუფლებამ ზამთრის ოლიმპიური თამაშების დროს ქალაქში მცირე ზომის საფრენი აპარატების გამოყენება აკრძალა. ამის შესახებ ინფორმაციას ჩინეთის დედაქალაქის საზოგადოებრივი უსაფრთხოების დეპარტამენტი ავრცელებს.
აკრძალვა 28 იანვრიდან 13 მარტამდე - პარაოლიმპიური შეჯიბრებების დასრულებამდე იმოქმედებს.
საერთო ჯამში, სიაში 12 აკრძალული ობიექტი მოხვდა, მათ შორის დრონები, საჰაერო ბუშტები და დელტაპლანები.
დამრღვევებს ჯარიმები ემუქრებათ.
ოლიმპიური თამაშები 4-დან 20 თებერვლამდე გაიმართება, პარაოლიმპიური თამაშები - 4-13 მარტს.
